AzerWeb portalı

AzerWeb İnternet və İntranet (onlayn informasiya sistemi) vebsaytı Azərbaycanın humanitar və kommersiya sektorları arasında dialoqu və informasiya mübadiləsini dəstəkləmək məqsədi ilə hazırlanıb.

2001-ci ilin yanvarına kimi AzerWeb "Save the Children" təşkilatı tərəfindən idarə olunurdu. Bu tarixdən sonra sayt Açıq Cəmiyyət İnstitutu – Yardım Fondunun nəzdinə verildi. İlkin olaraq AzerWeb saytı Birləşmiş Millətlər Təşkilatının Humanitar İşlər (UNDHA) departamentinin ReliefWeb onlayn informasiya sisteminin Azərbaycan komponenti kimi nəzərdə tutulmuşdur.

AzerWeb layihəsi ilə bağlı müzakirələr 1995-ci ilin əvvəllərində başlamışdır və bu müzakirələrdə USAID, MC, SCF, BMT İnkişaf və Yardım Agentliyi, IRC, RI, CARE, WV, BMT və DHA kimi təşkilatlar iştirak edirdilər. AzerWeb Azərbaycanda fəaliyyət göstərən humanitar və inkişaf təşkilatlarının fəaliyyətlərini dəstəkləmək məqsədi ilə informasiyanın dəqiqliyi və vaxtı-vaxtında əldə olunması və yayımını təmin etmək üçün bir alət kimi hazırlanmışdır. Nəzərə alaraq ki, AzerWeb-də olan informasiyanın əksər hissəsi agentliklər tərəfindən könüllü şəkildə təqdim olunsa da, əlavə məlumat başqa qaynaqlardan əldə olunur, ACİ-YF həm informasiyanın dəqiqliyinə, həm də başqa təşkilatların ifadə etdiyi fikirlərə görə məsuliyyət daşımır.

Əsas bölmələr

Son Xəbərlər
Bu bölmədə humanitar sektora aid olan və bilavasitə humanitar təşkilatları tərəfindən təqdim olunan məlumatdan başqa xəbərlər də daxildir. Siyahı
Təşkilatların siyahısı. Portalın birinci səhifəsində yerləşən indeksin vasitəsi ilə təşkilatlar haqqında əlaqə məlumatı əldə etmək olar. Burada siz təşkilatın Azərbaycandakı fəaliyyəti, əsas işçiləri, fəaliyyəti haqqında sənədləri və s. əldə edə bilərsiniz.
Son Əlavələr
Bu bölməyə portala edilən 15 son əlavə daxildir.
Əsas Linklər
Əsas Linklər bölməsi təşkilatlar haqqında məlumat olan səhifələrə linklərdən ibarətdir, o cümlədən:
• Humanitar Fəaliyyət
  Burada Humanitar Təşkilatların Azərbaycandakı fəaliyyətləri ilə tanış olmaq olar. Sektorun adının qarşısında olan “Təşkilatlar” linkini tıqlayarkən, açılan səhifədə bu sektorda işləyən təşkilatların siyahısı olacaq. Layihə linki sektorda olan təşkilatlarının həyata keçirdiyi layihələrə aparır.
• Donorlar
  Humanitar təşkilatların layihələrinə yardım təklif edən təşkilatların siyahısı.
• Proqramların Təsviri
  Bölmədə Azərbaycanda həyata keçirilən proqram və layihələrin başlama tarixi və sectoru daxil olmaqla təsviri verilir.
• Fəaliyyət Xəritəsi
  1991-ci ildən başlayaraq Azərbaycanda həyata keçirilən layihələri izləmək olar. Eyni zamanda burada portalda təmsil olunan Təşkilatların ofislərin yerləşməsi verilib.
• Görüşlər barədə hesabatlar
  Humanitar sektorunun təmsilçiləri arasında keçirilən görüşlər haqqında hesabatlar.
• Hesabatlar və qiymətləndirmələr
  Hesabatlar, xəbərlər, bülletenlər və strateji sənədlər.
• Press- relizlər
• Hadisələr və Elanlar
  AzerWeb-in üzv təşkilatlarının hadisələr və elanlar haqqında məlumat.
• Vakansiyalar
  AzerWeb portalının üzv təşkilatlarında vakansiyalar haqqında məlumat.
• İş axtaranlar üçün
  Bu bölmə iş axtaran adamlar üçün hazırlanıb. Hər bir kəs ərizə formasını doldurub, özü haqqında məlumatı bu bölmədə yerləşdirə bilər. Həmin məlumat sonra bu bölmədə göstəriləcək.

Təşkilatların qeydiyyatı
Portalda qeydiyyatdan keçmək nə verir?

1. Qeydiyyatdan keçmiş təşkilatlar mütəxəssisləri cəlb etmədən İnternetə məlumat əlavə edə bilərlər. AzerWeb daxilində təşkilatın fəaliyyəti haqqında məlumatı yerləşdirmək üçün ona www.azerweb.com/ad (misal üçün www.azerweb.com/osi-af) kimi internet ünvanı ayırır (burada "ad" çox zaman təşkilatın tam adının qısaltmasıdır).
2. Təşkilatın fəaliyyəti haqqında məlumat Humanitar Təşkilatların Siyahısında pulsuz göstərilir.