İnformasiya Problemlərinin Araşdırılması Mərkəzi
İnformasiya Problemlərinin Araşdırılması Mərkəzi (İPAM) keçid iqtisadiyyatı olan ölkələrdə iqtisadi inkişafa aparacaq və insan inkişafını təkmilləşdirəcək və açıq, demokratik, mümkün, mərkəzləşməmiş, ictimai tələbin nəticəsi və istifadəçinin nəzarətində olan internetin inkişafını dəstəkləyəcək hüquqi və tənzimləyici çərçivənin qəbuluna yönəlmiş QHT-dir. İPAM siyasi məsələlərdə təcrübəni təmin etməklə, qanunvericilik sənədləri ilə bağlı təklifləri irəli sürməklə siyasət qurucuları və vətəndaş cəmiyyətinə yardım etməklə bütün tərəfdaşlar arasında razılıq əldə etmək və dialoqa nail olunmasına çalışır. İPAM internet üzrə siyasətin formalaşdırılması proseslərində yerli tərəfdaşlar üçün resurs kimi çıxış edir.

İcma İnformasiya Resurs Mərkəzləri
2001-ci ilin dekabr ayında MADAD ACİ-YF və GCF-lə əməkdaşlıq edərək Azərbaycanın səkkiz (8) rayonunun Ictimai Kitabxanalarında İcma İnformasiya Resurs Mərkəzləri yaratmağa başladı - Əhmədli (Bakı), Əli Bayramlı, Bərdə, Gəncə, Quba, Lənkaran, Şamaxı və Şəkidə. Bu layihənin əsas məqsədi bütün ölkə üzrə yaradılmış İİRM vasitəsilə regionlarda əhalinin məlumat massivlərindən istifadə imkanını daha da artırmaqdır. İnternetə, məlumata, kommunikasiya vasitələrinə çıxışı təmin etməklə İİRM-lər regionlarda yaşayan Azərbaycan vətəndaşlarının qlobal arenada idarəetmə və işgüzar fəaliyyətdə iştirakını dəstəkləyəcək və asanlaşdıracaq.

Onlayn Məktəblər
Mədəd Azərbaycan(MƏDƏD) və Beynəlxalq Relief International - Schools Online(RİSOL), Açıq Cəmiyyət Yardım İnstitutu (OSİ-AF) ilə əməkdaşlığı nəticəsində Azərbaycan və Qlobal Catalyst Təşkilatı (QCT) qrup işi və praktiki inteqrasiya vasitəsilə müəllimlərin İnformasiya Kommunikasiya Texnologiyaları(İKT) sahəsindəki bacarığının yüksəldilməsi üzrə Azərbaycan Müəllimlərinin Peşəkar İnkişafı Proqramını (AMPİP) başlayıb.

Free Libre and Open Source Software - Proqram Təminatı
Free Libre and Open Source Software (FLOSS) texniki spesifikasiyası (proqram kodu) dərc olunan və məhdudiyyətsiz nüsxələrdə sərbəst şəkildə paylanan proqram təminatıdır. “Propriyetar proqram təminatı” lisenziya müqaviləsi əsasında verilir və adətən ödənişli proqram təminatı olur. Propriyetar proqram təminatına nəzarət vahid bir şirkət tərəfindən həyata keçirildiyi halda, FLOSS həmişə yox, ancaq çox zaman, əməkdaşlıq şəraitində çalışan icma tərəfindən işlənib-hazırlanır.

AzLang.INFO
Layihənin əsas məqsədi Azərbaycanda veb səhifələrinin yaranmasına köməkdarlıq etmək və mümkün olan problemləri həll edir. Azərbaycan dilində veb səhifəsinin yaranması başqa dillərdən fərqli olaraq, çətin həyata keçirilir. Ancaq bu o demək deyil ki, Azərbaycan dilində yaradılan veb səhifələri ilə əlaqədar yaranacaq bütün problemlərin həlli mümkün deyil. Bizim məqsədimiz təkcə HTML səhifələrinin yaradılmasına yardım etməkdən əlavə, interaktiv mənbələrdə, məsələn, çatlar, forumlar, səsvermələr, Azərbaycan dilindən istifadə etməyi istəyən insanlara kömək etməkdən ibarətdir.